პორტფოლიო

ვინც თვალს ადევნებთ ჩემს პორტფოლიოს, იცით თუ როგორ მიყვარს ეს სასწაული პროგრამა, არასდროს დავიღლები იმის მტკიცებით, რომ ეს არის შეუცვლელი ინსტრუმენტი მასწავლებლებისთვის( არა მხოლოდ მათთვის). ყოველდღე რაღაც ახალს ვაგნებ და ვიგონებ მასში. სამწუხაროდ, პედაგოგები არ იყენებენ  მიზნობრივად და სრულყოფილად  ინსტრუმენტს და  მასში მხოლოდ მარტივ სლაიდშოუებს ამზადებენ, არადა, ისეთი კარგი რესურსების მომზადება შეიძლება :) ესეც კიდევ ერთი მტკიცება იმის, რომ მასში შეიძლება მოსწავლეებისათვის მიმზიდველი და ლამაზი ანიმაციების, ისტორიების შექმნა. ცოტა ხანში ასე ავაწყობ იგავ-არაკებს და შევქმნი ვიდეო კრებულს, რომელსაც გამოვიყენებ ჩემს მოსწავლეებთან.

ონლაინ ინსტრუმენტი/სერვისი Booktrack Studio შექმნილია ტექსტებზე(წიგნებზე) საუნდტრეკების დასამატებლად. ეს ახალზელანდიური პროექტია, რომელიც შეგვიძლია გამოვიყენოთ სპეციალურად საგანმანათლებლო მიზნებისათვის. არსი მდგომარეობს შემდეგში: ნებისმიერ ტექსტს( შესაძლებელია საკუთარსაც) მომხმარებელს შეუძლია მოარგოს მისი აზრით შესაფერისი აუდიო ფაილი. როგორც სერვისის შემქმნელები თვლიან, ამგვარი მედიანაწარმოებები მოსწავლეებს დაეხმარება უფრო მეტად დაინტერესდნენ კითხვითა და ლიტერატურით. მუშაობის დასაწყებად საჭიროა რეგისტრაცია. ონლაინ პლატფორმაზე უამრავი ასეთი გაფორმებული წიგნი დევს, რომლის რედაქტირებაც შეგიძლიათ. ( შეგიძლიათ არაფერი დაარედაქტიროთ და საკუთარი შექმნათ) ასევე არის ხმებისა და მუსიკალური ნაწარმოებების უდიდესი კოლექცია. შესაძლებელია დიდი ყურადღებითა და სიყვარულით :) გაფორმდეს წიგნები მუსიკალური ფონით ( ასევე შესაძლებელია ნებისმიერი მონიშნულ ფრაგმენტზე რაიმე განსაკუთრებული ხმის ან მუსიკის დადება) და მივიღოთ ნამდვილად საოცარი ნაწარმოები. მოკლედ, გირჩევთ ჰუმანიტარებს . განსაკუთრებით დიდი ტექსტების შესწავლა შეიძლება კარგად მისი დახმარებით, ხალისით შემოესწავლებათ და წაეკითხებათ ტექსტები ბავშვებს, აღარ ვსაუბრობ იმაზე, რამდენად ეფექტურად შეიძლება ამ ინსტრუმენტის გამოყენება პოეზიის სწავლებისას

სრულ ფორმატში სანახავად გადადით ბმულზე: https://ispri.ng/7L6B8