პორტფოლიო

ამ პრაქტიკული გაკვეთილით ვამოწმებ, თუ როგორ აითვისეს მოსწავლეებმა ახალი მასალა, რომელიც შეეხებოდა ზეპირ და წერით მეტყველებას(  ეს გაკვეთილი შეგიძლიათ ნახოთ აქ: ზეპირი და წერითი მეტყველება ). ვფიქრობ, ამ ორი გაკვეთილით მოსწავლეები სრულყოფილად გაერკვევიან მეტყველების ტიპებსა და სტილში და შეძლებენ პრაქტიკული დავალებების შესრულებას. ამ გაკვეთილებზე გამომუშავებული უნარები მათ მთელი ცხოვრების მანძილზე გამოადგებათ( იმედი მაქვს :) )

ტესტი საჩვენებლადაა გაკეთებული და განკუთვნილია ტექსტის სტრუქტურის შესასწავლად. ეს საცდელი ვერსია "ვეფხისტყაოსნის" პროლოგზე გავაკეთე და მინდოდა მეჩვენებინა, რომ ტექნოლოგიების დახმარებით, შესაძლებელია დიდი ზომისა და რთულად შესასწავლი ნაწარმოების სწავლების პროცესის გაიოლება. არ ვიცი,  რამდენად გამომივიდა და დაგარწმუნებთ, მაგრამ მე შევეცადე... თქვენ როდესაც სრულყოფილ რესურსს გააკეთებთ , რა თქმა უნდა, ბევრ რამეს დაამატებთ და ტექსტის პრობლემურ საკითხებზე გაამახვილებთ ყურადღებას, ბოლოში შესაძლებელია, სლაიდზე მოცემული ტექსტებიდან დავალებების მიცემა თვითშემოწმებისა და რეფლექსიისათვის. გამიხარდება, თუ მოგეწონებათ, გამოიყენებთ და თქვენეულ ვარიანტსაც მაჩვენებთ. წარმატებები!