პორტფოლიო

მე ძალიან მომეწონა ეს ვებ-გვერდი და გადავწყვიტე, თქვენთვისაც გამეზიარებინა :) ამ "კითხვების დამწერის"(question writer) საშუალებით მასწავლებლებს შესაძლებლობა გვეძლევა, მარტივად და მცირე დროში შევქმნათ სრულყოფილი და საინტერესო ტესტები მოსწავლეებისათვის და ტესტირების დასრულებისთანავე ვნახოთ შედეგები ჩვენც და მოწაფეებმაც. ტესტირება  შესაძლებელია როგრორც ოფლაინ, ისე ონლაინ( ანუ შესაძლებელია კომპიუტერში გქონდეთ შექმნილი ტესტები და ინტერნეტის გარეშე შეასრულებინოთ დავალება ბავშვებს ან ვებ -გვერდზე ატვირთულ ტესტებთან იმუშაონ მოსწავლეებმა). პროგრამა საშუალებას გაძლევთ შუზღუდავი რაოდენობის ტესტების შექმნის, აქ არის 8 სხვადასხვა კითხვის დასმის რეჟიმი, შესაძლებელია ტესტებისთვის ფონის შეცვლა, შესაძლებელია შედეგების ნახვა ონლაინ ან  ამობეჭდილი სახით ექსელის ცხრილით ფოსტაზე გაგზავნა. ვებ - გვერდი მდებარეობს ამ მისამართზე:  http://www.questionwriter.com/  საიდანაც უნდა ჩამოქაჩოთ ეს პროგრამა. 

მყისიერ უკუკავშირზე დაფუძნებული ეს რესურსი  გათვალისწინებულია ზეპირი ცოცხალი თამაშისთვის. თამაში შეუძლია 10 ჯგუფს ან 10 მოსწავლეს. მოთამაშე ირჩევს რიცხვს, ეცნობა  კითხვას და პასუხობს. გამარჯვებულია ის ჯგუფი (ან მოსწავლე), რომელიც უფრო სწრაფად და ზუსტად უპასუხებს.  თქვენ უნდა გააზიაროთ თამაშის ბმული და მოიწვიოთ მოთამაშეები. მწვანე ჩანართის საშუალებით მოსწავლე იღებს კოდს, მეორე ჩანართის საშუალებით - უერთდება თამაშს.

სწავლება ექვსკუთხედების მეთოდით მოსწავლეებს საშუალებას აძლევს, მონახონ საგნებსა და ფაქტებს შორის კავშირები. ამ მეთოდის გამოყენებით მოსწავლეები უკეთ ერკვევიან კლასიფიკაციაში და ფაქტებისა და ფაქტორების შჯერება-შედარება-შეერთების გზით, უფრო გააზრებულად ეუფლებიან ცოდნას.


გენერატორში ჩაწერეთ თქვენთვის სასურველი ფრაზები,  ტექსტი (მაქსიმუმ 30 სიტყვა და  ყველა ახალი ფრაზა, ტექსტი ახალ ხაზზე)
და დააჭირეთ ღილაკს „submit“, რათა მიიღოთ თქვენი ექვსკუთხედები. გენერატორი მყისიერად გამოგიგზავნით შეკვეთილ ექვსკუთხედებს ვორდის ფაილის სახით კომპიუტერზე.

სურათზე ნაჩვენებია გაკვეთილის პროცესი, სადაც მოსწავლეებს შეთავაზებული ჰქონდათ 18 ისტორიკოსის შეხედულება პირველი ომის დაწყების მიზეზებზე. მათ ევალებოდათ, რომ ჯგუფებში შეესწავლათ ეს შეხედულებები გულდასმით, ეკამათათ, ემსჯელათ, გამოეთქვათ აზრები, გამოეტანათ დასკვნები და ამ დასკვნებზე დაყრდნობით , მოენახათ კავშირი, კონცეფცია,საერთო ამ შეხედულებებისთვის და ამის მიხედვით დაეწებებინათ ეს ექვსკუთხედები ქაღალდზე. გვერდზე ამ ექვსკუთხედებს უწერდნენ, თუ რატომ ააწყეს და დაალაგეს ამ თანმიმდევრობით ეს აზრები. შემდეგ იმართება კლასში საერთო დისკუსია. გენერატორი შექმნილია ისტორიის მასწავლებლის მიერ ისტორიის გაკვეთილზე გამოსაყენებლად, მაგრამ, ვფიქრობ, ფილოლოგებიც მშვენივრად გამოვიყენებთ. :)
პ.ს. მეთოდი ვთარგმნე პერსონალურად მოხეტიალე ისტორიკოსისთვის :) :)

ეს მეთოდი შეგვიძლია გამოვიყენოთ მოსწავლეთა სიტყვიერი შეფასების დროს.
რატომ ჰქვია ამ მეთოდს ასე?
სენდვიჩი შედგება ორი პურის ნაჭრისა და შუაში განთავსებული ხორცისაგან. კომენტარის აგებულებაც ასეთივე უნდა იყოს. (შეგვიძლია, სხვაგვარად "2+1", მეთოდი ვუწოდოთ, სადაც 2 –კომპლიმენტი, ქებაა, ხოლო 1– რჩევა, შენიშვნა), შეგვიძლია "2+2" გამოვიყენოთ, როგორც ჩემს სურათზეა ნაჩვენები
პური = კომენტარის გაკეთებისას პირველ რიგში უნდა ვუთხრათ დადებითი შეფასება, კომპლიმენტი,
ხორცი = შემდეგ მოვაყოლოთ რჩევა, შენიშვნა, კრიტიკა,
პური = დაბოლოს, – ისევ კომპლიმენტი.

მაგალითად, მოსწავლის თხზულების წაკითხვის შემდეგ მასწავლებელი ეუბნება მოსწავლეს: "ყოჩაღ, რომ გაგახსენდა და დავალება შეასრულე, (პური). თუმცა რამდენიმე საკითხის გამეორება მოგიწევს (ხორცი) და პირველ რიგში , ეს შეეხება შემასმენლისა და ქვემდებარის შეთანხმებას რიცხვში (ხორცი). ასევე, გაიმეორე რიცხვში მონაცვლე ზმნა (ხორცი)  საინტერესო მოსაზრებები გაქვს   თხზულებაში  (პური)"