პორტფოლიო

ჩემი მიზანი, როგორც ქართული ენისა და ლიტერატურის მასწავლებლის, არის არა მხოლოდ ცოდნის გადაცემა, არამედ ახალგაზრდებში კრიტიკული აზროვნებისა და ინოვაციური იდეების გაღვივება. სწორედ ამიტომ ვურჩიე ჩემს მოსწავლეებს კონკურსში "ერთიანი საქართველო ევროპისთვის" მონაწილეობა.

ეს კონკურსი, რომელიც განკუთვნილია 14-18 წლის ახალგაზრდებისთვის და ხორციელდება ეკონომიკური პოლიტიკის კვლევის ცენტრის (EPRC) მიერ, ევროკავშირის დაფინანსებული პროექტის - „ერთიანი საქართველო ევროპისთვის“ ფარგლებში, რომელსაც კონრად ადენაუერის ფონდი(KAS), ეკონომიკური პოლიტიკის კვლევის ცენტრი (EPRC), სამოქალაქო საზოგადოების ფონდი (CSF) და თავისუფალ ჟურნალისტთა სახლი (IJH) ახორციელებს, ეხმარება მოსწავლეებს გაეცნონ ევროკავშირის შესაძლებლობებსა და ღირებულებებს, დაინახონ ქართველი ხალხის როლი ევროპულ კონტექსტში და განივითარონ ლიდერობის უნარები. კონკურსი იძლევა საკუთარი ხედვის გამოხატვის ფორმირებას, რასაც შეუძლია მათი მომავალი სტრატეგიული გადაწყვეტილებებისა და პასუხისმგებლობების ჩამოყალიბება.

ამ კონკურსში მონაწილეობის შედეგად, ჩემი მოსწავლეები:

• გააგრძელებენ კრიტიკული აზროვნების განვითარებას - შეისწავლიან ევროპული ღირებულებების მნიშვნელობას და გაანალიზებენ ამ ღირებულებებში საქართველოს ადგილს.
• ისწავლიან აზროვნების გამოხატვას ახალი ფორმებით - სხვა სიტყვებით, მულტიმედიური პროდუქტებითა დაშემოქმედებითი ნამუშევრებით, რაც ხელს შეუწყობს მათი კომუნიკაციის უნარების გაუმჯობესებას.
• გაიუმჯობესებენ გუნდურ მუშაობასა და ლიდერობას - ცხადია, რომ კონკურსის ფორმატი მოიცავს გუნდურსა და ინდივიდუალურ პროექტებზე მუშაობას, რაც ხელს უწყობს ჯგუფურ აზროვნებას, პასუხისმგებლობის აღებასა და ლიდერობის უნარების გაძლიერებას.

მთავარი მიზანი, როგორც მასწავლებლისთვის, არის ჩემი მოსწავლეების სრულფასოვანი განვითარება. ამ კონკურსის მეშვეობით, ისინი შეიძენენ არა მხოლოდ ახალ ცოდნასა და უნარებს, არამედ მიღებენ პრაქტიკულ გამოცდილებას, რომელიც მათ მომავალში წარმატების მისაღწევაში დაეხმარებათ.

მომდევნო ნაბიჯია მათი მოტივაციის გაღრმავება და დახმარება, რათა მათი ნაშრომები გახდეს ერთ-ერთი საუკეთესო ამ კონკურსში!