გრიგოლ ხანძთელის მოღვაწეობის შესწავლის შემდეგ მე-10 კლასის მოსწავლეებთან ერთად გადავწყვიტეთ, მიღებული ცოდნა პრაქტიკულ და მულტიმედიურ პროდუქტად – საინფორმაციო-სარეკლამო ბროშურად გადაგვექცია.
ეს იყო გაცილებით მეტი, ვიდრე მხოლოდ დავალება – ეს იყო უნარებზე დაფუძნებული სწავლება რეალურ კონტექსტში.
🎯 რა ისწავლეს ამ პროცესში მოსწავლეებმა?
მათ გაუაზრებლად კი არა, მიზნობრივად განავითარეს:
🔹 კვლევისა და ანალიზის უნარები – მოიძიეს ისტორიული წყაროები და მოძიებული ინფორმაცია გააერთიანეს,
🔹 ციფრული წიგნიერება და ტექნიკური კომპეტენციები – იმუშავეს ვიზუალურ მასალაზე, ისწავლეს ციფრული ხელსაწყოებით სარეკლამო პროდუქტის შექმნა,
🔹 კომუნიკაციური და სარეკლამო უნარები – იფიქრეს, როგორ ესაუბრათ ტურისტისთვის მოკლედ, შთამბეჭდავად და მიზანმიმართულად,
🔹 კულტურული ცნობიერება – გაიაზრეს ქართული კულტურის ღირებულება და მისი პოპულარიზაციის აუცილებლობა,
🔹 კრიტიკული და შემოქმედებითი აზროვნება – შეარჩიეს მნიშვნელოვანი, სასარგებლო ინფორმაცია და შეიტანეს ბროშურის სტრუქტურაში,
🔹 ორგანიზების უნარი – დაგეგმეს მარშრუტი და ტურისტული მოძრაობის ლოგიკა.
📌 ამ აქტივობამ მოსწავლეები ისტორიიდან თანამედროვე კომუნიკაციაში გადმოიყვანა. მათ ისწავლეს, როგორ გადმოსცენ ღირებული ინფორმაცია გასაგებად, მიზნობრივად და შედეგზე ორიენტირებულად.
👩🏫 მე, როგორც მასწავლებელი, ამ პროცესში ვიყავი არა მხოლოდ მასალის მიმწოდებლად, არამედ
✔ წარმმართველი,
✔ მოტივატორი,
✔ რესურსების შერჩევისა და მათი მიზნობრივი გამოყენების მეგზური,
✔ კრეატიული აზროვნების სტიმულატორი.
ასეთი აქტივობები მაძლევს საშუალებას, სწავლა მორგებული იყოს ცხოვრებაზე, მოსწავლეები კი აქტიური შემოქმედები და არა მხოლოდ მსმენელები. ეამგვარად ვცდილობ სწავლება გარდავქმნა გამოცდილებად, რომელიც მოსწავლეებს მომავალშიც თან გაყვებათ
0 коммент.:
Отправить комментарий