პორტფოლიო

📚 ჩემმა მეათეკლასლებმა  დაიწყეს საინტერესო პროექტი „ჩემი ქალაქის/სოფლის ამბები“, რომლის მიზანიც არის მოსწავლეებში ადგილობრივი მემკვიდრეობით დაინტერესება, მათში კვლევისა და შემოქმედებითი წერის უნარების განვითარება.

🎯 პროექტის ძირითადი მიზნები:

• მოსწავლეებში საკუთარი წარმოშობისა და იდენტობის გაცნობიერება;
• ოჯახის, თემის, სოფლის/ქალაქის შესახებ ძველი და ახალი ამბების მოძიება;
• საგანმანათლებლო და ლიტერატურულ აქტივობებში ჩართულობის წახალისება;
• შემოქმედებითი წერის, კრიტიკული აზროვნების და პრეზენტაციის უნარების გაძლიერება.

✅ მისაღწევი შედეგები:

• მოსწავლეებმა ჩაატარონ ინტერვიუები ადგილობრივ უხუცესებთან;
• შეაგროვონ თემატური ფოტომასალა და წერილობითი ტექსტები;
• დაწერონ მხატვრული და დოკუმენტური ისტორიები, ლექსები, ჩანახატები;
• გაიმართოს პრეზენტაცია/კონფერენცია მოსწავლეთა მონაწილეობით;
• შეიქმნას დოკუმენტური ფილმი „ჩვენი ფესვები“.

📌 დიდი იმედი მაქვს , რომ როექტი აღმოჩნდება მნიშვნელოვანი გამოცდილება როგორც შემოქმედებითი, ასევე კულტურული თვალსაზრისით და შექმნება სივრცე, სადაც მოსწავლეთა ხმა და წარსულთან კავშირი განახლებული ძალით გაიჟღერებს.