ჟურნალისტთა კლუბის ფარგლებში ამჟამად ჩვენი ფოკუსი საველე სამუშაოებზეა, რაც მოიცავს რესპოდენტების შერჩევას, ინტერვიუების ჩატარებასა და დამატებითი მასალების მოძიებას.
🤝 ვიკვლევთ, როგორ ჩატარდეს ხარისხიანი ინტერვიუ – როგორ დავგეგმოთ საუბარი, როგორ მივაღწიოთ გულწრფელობას რესპონდენტთან ურთიერთობისას, როგორ დავსვათ ღია და დახურული კითხვები. მოსწავლეები სწავლობენ რესპოდენტების შერჩევის სტრატეგიას – ვინ შეიძლება იყოს საინტერესო მოსაუბრე ჩვენი თემისთვის?
შესანიშნავი რესპონდენტები შეიძლება იყვნენ:
👵 უხუცესი მოქალაქეები, რომლებიც ძველ ამბებს ინახავენ და მოგონებებს სთავაზობენ მომდევნო თაობას
📚 ადგილობრივი ისტორიკოსები – თემის ღრმა ცოდნის მატარებლები
🖼️ მუზეუმის თანამშრომლები, რომლებიც წარსულის საგნებსა და ამბებს ინახავენ და აცოცხლებენ
🏡 ოჯახის წევრები, რომლებიც ფლობენ პირად არქივებსა და ისტორიებს
🕐 ინტერვიუს ხანგრძლივობა დამოკიდებულია რესპონდენტსა და თემაზე, თუმცა რეკომენდებულია, რომ ჩაწერა 20-დან 40 წუთამდე გაგრძელდეს, რომ არ გადაიღალოს რესპონდენტი და ინტერვიუ ინფორმაციულად მდიდარი დარჩეს.
📷 გარდა საუბრისა, ვსწავლობთ მასალების შეგროვების ტექნიკასაც – როგორ გადავიღოთ ძველი ფოტოები ისე, რომ მათი დეტალები მკაფიოდ გამოჩნდეს; როგორ გადავუღოთ 📌 არტეფაქტებსა და საინტერესო ადგილებს, რათა ვიზუალურადაც გადმოვცეთ ნარატივი.
📖 მოსწავლეები ეუფლებიან მუშაობას ადგილობრივ ბიბლიოთეკებსა და არქივებში – სწავლობენ, როგორ მოიძიონ შესაბამისი დოკუმენტები, ქრონიკები, ძველი გაზეთები და ჩანაწერები, რომლებიც ინტერვიუს გაღრმავებაში დაეხმარებათ.
🎓 ასეთი სწავლება არის სწავლა ცხოვრებაში, ქმედითი გამოცდილების გზით. მოსწავლე სწავლობს კვლევას, კომუნიკაციას, კრიტიკულ ანალიზსა და ეთიკას – უნარებს, რომლებიც ყველა სფეროში გამოდგება.
საველე სამუშაოებით მოსწავლე სხვანაირად ხედავს საკუთარ გარემოს – ეძებს ისტორიებს, უსმენს ადამიანებს, აფასებს წარსულის მნიშვნელობას და ცვლის დამოკიდებულებას რეალობისადმი. ეს კი ნამდვილი განათლებაა.
0 коммент.:
Отправить комментарий